رساله لحد مهم اووووووووي !!

في ناس كدا في حياتك مش هتعرف تتخلص منهم!! حياتك مربوطه بيهم مهما حصل بينكم مشاكل وخلافات برضوا هتفضلوا مربوطين ببعض ,, يمكن لو حد تاني غيري هو الي في الموقف دا كان انسحب علطول وكبر دماغه عليه بأيه من التعب والعصبيه  وحرقه الدم ,,, بس يمكن الي فارق انك تبقى بتعرف قبمه الناس اوي ومن عنيهم  تقدر تحدد شكل روحهم ,, انا متعودنش اخسر الناس الي في حياتي  بحافظ عليهم لحد اخر لحظه  ’’’ حقي في الناس دي وعشره عمري معاهم وكل حاجه حلوه حصلت في حياتي بسببهم  ,, كل مره ضحكت فيها من قلبي اوي وهم معايا  كل دا يخليني اقولهم الكلمتين دول ,,,, 

مش كل مره  هتخنق عليكم الدنيا هتعرفوا تبعدوني ,, ببساطه  مش هسيبكم تبوظوا حياتكم وتشوهوا اجمل م فيها علشان في خطه باظت منكم في النص ,, الاخوات مبيختاروش بعض  .. ممكن تخسر حبيبك او حببتك !! لكن عمرك م هتعرف تخسر اختك او اخوك انتوا مربوطين ببعض  وعلشان  احنا اخوات ومربوطين ببعض مش هسيبكم تعملوا حاجه وحشه في نفسكم  ولا تعاقبوا ناس تانيه معاكم ملهاش اي ذنب  غير انها جات في طريقكم  وانتوا بتنتقموا من الدنيا  الي ع ملت حاجه تزعلكم  او بوظتلكم خططكم .. 

وبما ان ليا فيكم اكتر من80%  منكم ف مينفعش حد يقولي انا محدش يتكلم معايا ب الاسلوب دا ... انا هتكلم ب اي اسلوب انا عيزاه وانتوا هتسمعوني  وانا في حياتكم بمزاجكم او غصب عنكم 

شخبطه ع الحيط 2

عمرك فكرت انك انت الي بتأذي نفسك لما بتتعشم في ناس ويخذلوك ..

 لما بتفتكر انك فارق مع حد وتطلع ولا حاجه عنده’’

عايز تعرف غلاوتك عن حد بجد  واذا كنت انت ب النسباله  زي مهو ب النسبالك ,, قارن  بينك وبينه في  موقف واحد ,, أسأل نفسك يا ترى لو هو الي في مكاني دلوقت  كنت هعمل معاه كدا ؟؟  كنت هتصرف معاه بنفس الطريقه !! 

شخبطه على الحيط 1

مين قال ان الي بيحب بيسامح على طول , مين قال ان من حقك تجرح الي بيحبوك وتغيب عنهم وتعذبهم ولما ترجعلهم ومن اقل كلمه لازم يسامحوك !!  هو الحب انك تنجرح وتتعذب وتتألم وبعد كل دا في ثواني تسامح وتنسى ؟؟ وليه  لما هم هيرجعوا ويطلبوا منك  تنسى  كانوا بيجرحوك اصلا ؟
حتى الحب مش دوا كافي  للجرح والالم الي ممكن يسببهولك حد انت بتحبه ,,

الحب زي واحد عنده مناعه كويسه  ,, بس لازم بتعب ويجيله برد لما يطلع في الهوا يمكن التعب  في اول مره مش هيكون جامد وهيخف لما ياخد حبايه اسبرين ,, لكن مره في مره  وتعب بعد تعب الاسبرين مش هيعمل حاجه ولا كل االمضادات الحيويه هتخليك تخف ,,, جسمك هيعمل مناعه مضاده والدوا الي كان بيجيب نتيجه وتخف عليه بقى زي قلته مبقاش ليه لزوم 

لو ليك حد بتحبه حافظ عليه ,, متجرحوش وترجع تطلب منه يسامحك 
متبعدش عنه ولما تحنله ترجع تطلب منه يرجعلك ,,  قبل اي كلمه او تصرف  فكر الف مره هيبعدك عن الشخص الي بتحبه دا ولا لا ؟؟  يمكن هو كمان بيحبك ويمكن لسى في باله وبيحس بيك ,, واكيد لسى بتطلع في عنيه بسمه لما بيفتكر حاجه بينك وبينه , بس افتكر ان حتى  الوجع بيضحكنا اوقات ,, بيضحكنا لما بنفتكر ازاي استحملنا كل دا وازاي قولنا في يوم هنموت وصحينا ولقينا نفسنا لسى عايشين .. يمكن عايشين مجروحين او موجعين بس عايشين  ,,ويمكن نسينا وعدينا ولذكرى الجرح دا مش فاكرين ..

 في كل الحالات متستناش من حد  استسهل جرحك انه يحافظ عليك ازاي هيحميك من الناس وهو اصلا بيطعن فيك ؟؟ هو انت عمرك اصلا اتخليت عن حاجه كانت عزيزه عليك ؟؟ 

لما عقلك يتخلى عنك !!

كل واحد فينا جواه شخص عاقل وحكيم يقدر يفيد كل الناس الا نفسه ,, مهما كنت عاقل وبتعرف توزن الامور بعقلك  هتيجي لحد نفسك ومش هتعرف تفيدها ,, يمكن علشان زي مبيقولوا الي على البر عوام ويمكن علشان وقت مبتكون محتاج عقلك بتكون فعليا مبتملكش عقل اساسا علشان تستفيد منه ,,

وفي اللحظه الي بتحتاج لعقلك فيها وللاسف مبتلقهوش  هي نفسها بتكون اكتر لحظه  انت محتاجه فيها اللحظه الي بيقرر فبها عقلك انه يتخيل عنك ويسلمك لمشاعرك  ,, علشان كدا  بتروح لاكتر حد انت عارف ان عقله لسى معاه حتى لو في الوقت دا بس ,