الجمعة، 24 يناير 2014

سعادتي انت

تستيقظ ذات صباح لتنظر في المرأه ,, تتسأل !! م المميز اليوم يا ترى ؟ لما هذه الابتسامه الساحره في عينيك :)  تغلق عينيك علك تجد الاجابه هنا او هناك ,, لكن ! لا فائده  لا شئ مختلف ,, ممممممم 

لوهله سريعه تشعر باشتياقك لشخص ما ,, انه مفتاح اللغز تسرع وبدون تفكير تحاول الاتصال به ,, وعلى غير العاده ,, يجيـــــــــب :)  انه القدر لم يشأ ان يفسد فرحتك او يطفئ نور عينيك الباسمه 

من قال ان السعاده ليست شخص ما <3 <3




السبت، 11 يناير 2014

طريق الخلاص !!

5 ,او ربما

6 أشهر مرت على فراقهم  لم تعد تحصي الايام ,, هي فقط تعلم انه منذ فتره طويله لو يزرها في أحلامها ,لم تشتق لعباراته ,لم تفتقد سؤاله او اهتمامته بها,لم تستيقظ على واحده من رسائله المشاكسه ( صباح الخير ي احلى حاجه في حياتي ) ,ربما لم يعد الامر يعنيها فهو الان خارج نطاقها , ليس جزء من اليوم ولا حتى كل الغد هو فقط شئ من الماضي , اوكان شئ من الماضي , في الواقع هذا ما أرادت ان تصدقه ,او ان يصدقه الأخرون ,,, النتيجه واحده   

هو الأن هناك ,في مكان ما ,مكان مجهول لا تعرف له عنوان او طريق . هكذا اعتقدت لولا انها افتقدته  منذ ايام ,الحقيقه لم ينتهي الأمر هنا .زارها في احلاما  هدم كل م حاولت تشيده من قسوه وعناد على مدار شهور ,, لم تتوقع زيارته المفاجئه هذه المره لم يخبرها انها فتاه احلامه ولا أم اولاده  ,, لم يخبرها انها حب عمره ولاا حتى نور حياته ,, في الواقع لم يحدثها حتى كان يتحدث لاخرى , لماذا اتى ان لم يكن ليتحدث اليها !! ربما ليزيدها الما او ليخبرها انها الأن جزء من الماضي , ليخبرها انها خسرت الرهان مع قلبها وان ما كان لها يوما اصبح لأخرى ,, اي قسوه تلك التي تدفعك لان تؤلم من احببت يوما ان لات كتفي بافساد واقعه !!  بل واحلامه ايضا !! تلك الاحلام الم تكن يوما اسعد احلامك ,, اليوم وبعد شهور من الفراق تعود هذه الاحلام لتصبح اسؤ كوابيسك , تلك الاحلام التي طالما ربطتك بواقعه وكأن روح واحده تسكن جسدين ,.. اليوم لازالت نفس الروح في جسدين لكن  احدهما الان تؤلم الاخرى ,, تؤلمها بشده والمسكينه من فرط الالم لم تعد تبصر طريق الخلاص  

السبت، 12 أكتوبر 2013

شخبطه على الحيط 2




الدنيا عمرها مهتدينا كل الي احنا عايزينه ,, الحقيقه ولا حتى نصه ,, هي عارفه هتديك ايه امتى وازاي !! عمري متخيلت انك علشان تعيش من غير متتوجع او تتألم انك تعود نفسك متمسكش في حاجه او تتعلق بيها لانك مش عارف امتى هتقرر الدنيا تاخدها منك تاني علشان تديها لحد تاني ,, الي هو برضوا ميعرفش هي هتسبهاله علطول ولا هترجع تاخدها منه تاني بعد شويه ,, المشكله ان هي مبتعملش معانا حاجه تانيه غير كدا وبرضو مبنتعلمش ونفضل نغلط نفس الغلط في كل مره ومع كل حاجه في حياتنا !مع اننا بنبقى لسى موجوعين علشان حاجه ضاعت مننا ونقول خلاص اخر مره نتعلق بحاجه ونمسك فيها ونرجع بعد شويه تضحك علينا الدنيا وتدينا حاجه تانيه نتعلق بيها اوي ونرجع نتوجع بيها  اوي لما تروح منا ,, اكيد العيب فينا مش في الدنيا احنا الي مبنتعلمش من الي بيحصل في حياتنا !! او يمكن من كتر مبنكون محتاجين للحاجه دي في حياتنا بننسى الدرس الي قبله وبننسى اننا قررنا منتعلقش بحاجه ومنمسكش فيها ابدا علشان لما تضيع مننا منتوجعش بيها ؟؟

هيحصل ايه يعني لما تعيش بمبدا مش عايز منك حاجه ومتاخديش مني حاجه ؟؟ هيحصل ايه لما منتعلقش بحاجه ولا نمسك في حاجه ؟؟ساعتها الدنيا مش هتلاقي معانا حاجه علشان تاخدها مننا ,,الخوف وقتها انها تركز مع الحجات الي هي بتاعتك اصلا وتاخدها منك ساعتها وجعك هيكون اكتر بكتير من وجعك لما تخسر حاجه أنت مش  عارف هي اصلا بتاعتك ولا لا ..

في الاول والاخر لازم نحط احتمال ان احنا الي غلطانين ,, احنا الي بنتعلق بحاجت مش بتاعتنا ولا لينا .. بس احنا برضوا معذورين كنا هنعرف منين ان الحاجه دي مش بتاعتنا هو مش انتي الي اديتهالنا وحتطيها في طريقنا ؟؟ مش احنا الي روحنالها ولا وقولنالك عايزينها ؟؟؟


ومع اننا بنتوجع اوي لما بنخسر حاجه او تضيع مننا حاجه كانت معانا في وقت من الاوقات ومع ان كل مره بنقول مش هنتعلق تاني بحاجه الا اننا منقدرش نعمل كدا احنا عاملين زي الفراش الي مبيعرفش يفرق مبين النور والنار بيروح للاتنين وهو مش عارف هيموت ولا هيعيش !!أحنا كمان  لما بنتعلق بالحاجه مبنبقاش عارفين هتفضل معانا علطول ولا هتضيع مننا ونموت من الوجع بسببها !!!!



الخميس، 18 يوليو 2013

اوعى تخلي خوفك يخوفك ""



                                                                    الخوف


الخوف هو اكتر حاجه بتخليك تفقد احساسك بأي حاحه بتعملها او بتحاول تعملها . هو الشئ الي بينكد عليك كل محاولاتك انك تبىقى سعيد , الموضوع مش انك شخص غاوي نكد علشان كدا بتقلق وبتخاف من كل حاجه الموضوع ان اوقات من كتر م بتحصل في حياتك حجات مش تمام اوي وفرحتك بحجات مبتكملش ف انت مبتبقاش قادر اتدي الامان اوي وبالتالي بتخاف , بس يا ترى الامور تمام اوي معاك  ومفيش حاجه بتقف يا ترى دا هيبقى سبب كفايا علشان متخفش ؟؟ الحقيقه لا !! 

لو فكرت كويس هتلاقي ان الخوف شعور لا ارادي , انت بتخاف علشان دايما متوقع الافضل يمكن بقا لو بطلنا نتوقع الافضل ساعتها بس يمكن ,, مش اكيد !! اننا نبطل نخاف . بس للاسف احتمال انك تبقى عايش من غير م تتوقع الافضل دا ضعيف جدا جدا لان ببساطه دا هيكون معناه انك عايش ميت مش مستني حاجه ولا بتحلم بحاجه ولا حتى نفسك تعمل حجاه  امال حضرتك عايش ليه يا افندم !!!


لما بتذاكر  بتبقى خايف من الفشل لانك متوقع النجاح ولما بترتبط بحد  بيحبك بتبقى خايف تخسره لانك متوقع لعلاقتك بيه الافضل  ولما بتتجوز بتبقى خايف تصحى من النوم الصبح تلاقي الصوره الافضل الي رسمتها لعش الزوجيه السعيد مش  موجوده ,, حتى قراراتك  الشخصيه سؤا كانت سهله او صعبه  انت بتخاف تاخدها  علشان المجتمع طول الوقت بيطلب منك انك هتعمل الافضل وهتختار الافضل .. لدرجه ان ممكن يبقى القرار مجرد انك تختار لون تيشرت عاجبك او حتى  استايل نظاره جديده عجباك وعايز تجيبه !!!  القرارات دي تبان من بره هبله اوي وبسيطه ومش مستاهله حتى اني اكتبها في المقال دا ,, بس لو ركزت شويه هتلاقي نفسك لازم تاخد حد من صحابك او رمايلك وانت بتشتري الحجات دي .. لو انت ولد  هتاخد انتيمك او خطيبتك  حد طول الوقت شايفك علشان هو الي هيشوفك لابس الحاجه دي وحتى لو مش هو الا شافك لابسها انت على الاقل خدت معاك شخص تعلق عليه مسؤليه عدم اختيار الافضل لو الناس اعترضت على الحاجه دي . اما بقى لو  انت بنت ف انت مش بس هتاخدي صاحبتك دا انت هتلمي كل الي في المحل تسأليهم على رايهم  والجيران واصحابك على الفيس وفي الاخر بعد كل المجهود دا  لو شخص واحد بس عللقلك على الحاجه دي وقال انها مش الافضل  هيبقى عندك استعداد ترميها ولا كأنك عملتي استفتاء عام علشان تجبيها ...

تقدر بقى تقيس كل حاجه في حياتك وكل اختياراتك وقراراتك  ب نفس المقياس ,, هو خوفك انك معملتش الافضل  , بس يا ترى الافضل دا بالنسبالك ولا بالنسبه للاخرين ؟؟؟ على فكره بقى انت حتى لو جاوبت على السؤال دا مش هتوصل لحاجه !!! عارف ليه ؟؟ علشان لو ا لافضل دا بالنسبالك فهو جايز جدا ميناسبش الاخرين  وجايز اوي اوي ميناسبكش انت كمان ,, بس انت كنت هتعرف منين انه مينسباكش لو مكنتش اخترته  ؟؟؟ ول الافضل دا كان الافضل للناس ف انت برضو غالبا هتيجي على نفسك علشان خاطرهم !!! 

الحقيقه بقى انالخوف مش مشكله ابدا ,, بالعكس لو فكرت كويس هتلاقي ان الخوف دا هو اكتر حاجه الانسان بيدور عليها ,, دا ممكن حتى يدفع فلوس علشان يحس احساس الخوف ان من غير متحس بتعمل كدا علشان الخوف متعه في حد ذاته بيحسسك ان عايش فعلا مش عايش ميت بتغلط وبتتعلم من غلطك بتختار الحاجه بأرادتك حتى لو في الاخر طلعت غلط وفضلت ندمان عليها سنين كفايا انك اخترتها بارادتك كونك تبقى خايف دا احساس جميل على فكره علشان خيخليك تفكر وتشغل مخك الي انا بعمله صح ولا غلط الى انا بختاره  مناسب ولا مش مناسب وايه يعني لما اعمل حاجه غلط او اختار حاجه مش مناسبه م انا لو مكنتش اخترت الغلط مكنتش عرفت ان الحاجه التانيه هي الي صح .. متخفش من انك تاخد قرار او تعمل حاجه , لانك لو فضلت مستسلم للخوف الي جواك مش هتتحرك ولا خطوه لقدام انت حتى مش هتعرف تشتري تيشرت عاجبك علشان خايف ميعجبش الناس ومش هتعرفي ترتبطي ب الشخص الي بتحبيه علشان خايفه من راي صحباتك فيه ولا حضرتك هتقدر تدخل الكليه الي انت بتحبها  علشان خايف الناس تقول عليك ضيعت مجموعك في الثانويه العامه ,, الحقيقه انك هتندم اكتر على الحجات الي خفت تعملها ومعملتهاش من ندمك على حجات  خفت تعملها ومع ذلك عملتها ,, جرب كل حجاه في حياتك واوعى تخاف من حاجه او عى تخلي خوفك يمنعك من انك تخاف ...
اوعى تنسى انك بتروح  دريم وتدفع تذكره  علشان تدخل تلعب الصاروخ ولا دسكافرى !! تفتكر انت بتنقى اللعب دي ليه غير علشان تخاف ؟؟ !! خوفك اوعى تخلي يخوفك J J

السبت، 22 يونيو 2013

فرصة عمل بالخارج ,, لإحداهن !!!

فرصة عمل بالخارج "" لم تعد هذه العباره تلفت نظر الشباب من الذكور فقط وإنما الاناث ايضا فبعد ان اصبح الوضع الاجتماعي والاقتصادي المتندني سببا اساسا  في تحطيم امال العديد من الشباب من الجنسين , وبعد ان عجز الشباب عن مواكبة سوق العمل في الداخل لم يجدوا لهم ملجأ ولا ملاذ اخر سوى السفر للخارج والذي اصبح غير قاصر على الشباب فقط فالمراءه ايضا بعد أن شاركت الرجل في كل مجالات الحياة المختلفة هاهي الأن تشاركه ايضا في حلم السفر للخارج من اجل مستقبل افضل وتأمين حياة كريمه أو ربما طمعا في العثور على شريك حياة يشاركها ايضا نفس مجال العمل
قبعد أن اصبحت المرأه ملزمة بالمشاركة بجزء ليس ببسيط من أعباء الزواج وتأسيس أسره كان لابد عليها أن تسلك بالمثل مسلك الرجال , فأنت الأن  لن تتعجب إذا وجدت أن اي فتاه حلمها الأساسي يتلخص في دخول احدى هذه الكليات اما الطب اوالتمريض او كليه التربيه فهذه الكليات غالبا ما تمنحك تأشيره دخول لأحد الدول العربية وخاصة أن هذه الدول لا تشترط وجود مرافق او محرم على حد القول
 وبالرغم من انتشار هذه الظاهره بين الفتيات المصريات وتحديدا العزباوات بعد أن كانت  قاصره ولفتره طويله على ال نساء المتزوجات بهدف إعاله الأسره , يظل السؤال الذي يطرح نفسه وبقوه مالاذي دفع الفتيات الى هذا الاتجاه  ؟؟ هل هي البطاله والوضع الاقتصادي السئ ؟ ام انه تأخر سن الزواج ؟ ام انه الرغبه في مستوى اقتصادي واجتماعي افضل وتحقيق الاستقلال بعيدا عن الرجل ؟ وهل يعتبر عمل المراه في الخارج  ميزه تزيد امامها فرص الزواج مقارنه بأخرى ؟
ربما تعتبر هذه القضيه احدى القضايا متعدده الاطراف فالمراه ليست الطرف الوحيد فالرجل ايضا الذي سيشاركها الحياه هو احد اطرافها , الاسره , ولأطفال  في مرحله ما هم أيضا اطراف في هذه القضيه
50% من الرجال والذين تتراوح اعمارهم بين 22 – 30 سنه لا يجدون مانع من الارتباط بفتاه تعمل بالخارج على الاقل سوف تشارك في اعباء الحياه فهم لايجدون مايمنع من ذلك  . وبناء عليه فهم لا يمانعون فكره سفر الفتاه للعمل بالخارج مادامت قادره على التصرف واداره شؤنها . 
أماال 50% الأخرين  فبالرغم من انهم اتفقوا في النهايه على رفض فكره سفر الفتيات للعمل بالخارج الا ان كل منهم كان له اسبابه المختلفه ونظرته المختلفه للموضوع  حسب سنه وتربيته وبيئته
أحمد فرج  مهندس 23 سنه: ارفض فكره سفر الفتاه للعمل للخارج فنحن في مجتمع شرقي كيف اسمح لها بالمبيت خارج المنزل وايضا في بلد غريب لا تضمن تفكير اهله ولا سلوكهم
خالد ممدوح محامي 22 سنه : ارفض طبعا ان تعمل اختي او خطيبتي بالخارج فأنا اعلم ماذا تعني الغربيه وماذا يحدث بالخارج وكيف يتعامل ويقال على الفتيات التي يقمن وحدهن في الدول العربيه

 بنت لوحدها زي الزرعة الصغيرة من غير دعامة الدعامة دي الفلاح بيعملها للزرعة الصغيرة لحد ما تقوى
فا مستحيل  تطلع بدون ما الهوا يطيرها ويقلعها من الأرض
هكذا علق محمد كامل 32 سنه \ مخرج في قطر ,, انا معايا بنات كتير في قطر مصريات وجنسيات كتير بيشتغلوا كل حاجه  مدرسات وفي التيلفزيون  والشركات منتشرين اوي العيون عليهم بتبقى كتير اكيد منهم كتير كويس بس السيئه بتعم والحسنه بتخص  بنت ومن غير رقيب في الاول والاخر هي ضعيفه اذا كانوا مبيسلموش من مدايقات المصرين الي هناك مبالك بقى اهل البلد الي بيعاملوهم على انهم بنات ولوحدهم وكلهم سنهم صغير

اما بالنسبه لفئه الاباء وأولياء الامور فالغالبيه العظمى منهم رفض الفكره بصوره نهائيه لا مجال فيها للنقاش فعلى حد قول أحدهم  ( يعني خلاص مش عارف اصرف عليها واجوزها هبعتها تشتغل بره علشان الناس تقول ابوها محتاج لفلوسها ولا مش عارف يأكلها ويعيشها ) 

اما الفتيات فقد انقسمت ارائهن ما بين مؤيد للفكره ومؤيد بشروط وبين رافض لها بشكل نهائي  ,, فالتي ايدن الفكره لم يجدوا مايمنع من ان تعتمد الفتاه على نفسها وخاصه في ظل عصر الحريات والمساواه بين الرجل والمراءه اما الأخريات ايدنها بشرط ان تسافر مع اخ او زوج وليس بمفردها فماذا يمنع ان تخطط الفتاه لمستقبلها وتنجح وتحقق الاستقرار المادي سواء في الداخل او الخارج مادامت قادره على ذلك ,, وعلى الجانب الأخر رفض اخريات الفكره بوجه عام على اساس انه  برغم من اننا نعيش عصر الحريات والانفتاح الا ان المجتمع المصري مجتمع شرقي متحفظ في اصله لن يتقبل فكره ان تعيش فتاه بمفردها في بـلد اخرى بدون رقابه او حمايه ,, كما انهم اعتبرن ان فكره الماده تعرضهن لمشكله طمع الطرف الاخر فيهن ماديا لا اكثر ولا أقل وان اي شخص سوف يتقدم لاي فتاه تعمل بالخارج  يتعامل معها فقط على انها صفقه مربحه ( جوازه مرتاحه ) على حد قولهن .
نوره  محمد 24 سنه \ مدرسه موسيقى في  عمان ,, لم تكن فكره السفر وارده في ذهني اثناء فتره الدراسه ولكن بعد ان انهيت تعليمي الجامعي  وانتظرت فرصه جيده  ولم تأتي ظهرت امامي فرصه السفر ما المانع فاهلي يثقون في جدا في النهايه هنا عمل وهناك عمل في كل الاحوال انا مدرسه الفرق الوحيد ( هنا بقبض ملاليم ويتيهدل وكمان بعقد مؤقت وبصرف من جيبي كمان ,لكن هناك بقبض مرتب محترم يخليني اصرف هناك واحوش وابعت فلوس لاهلي كمان )
ربما  الحكومه مسؤله بشكل او بأخر عن اغتراب هؤلاء الفتيات فأنت مجبر على احترامهن شأت ام ابيت انت لا تعلم الظروف التي قد تدفع احداهن للسفر للخارج هذا ما قالته امل السيد  27 سنه \ مدربه سباحه في احدى النوادي النسائيه بالكويت ,, فهي فتاه  كبيره لاسره متوسطه الحال افرادها اب وام و5 بنات أمل هي الكبرى  علقت امل قائله ( يعني هو ايه الي بيخلي الولد يسافر بره مهو اكيد يعني الظروف المنيله الي هنا انا كمان سافرت علشان نفس الظروف  ابويا مكنش بيصرف عليا ويعلمني علشان في الاخر اقعد جنبه استنى العدل وكمان لما يجي مش هيبقى معانا فلوس علشان نشيل معاه المصاريف المريعه للجواز واحنا 5 بنات  ومش ذنبه ابوياعلشان مخلفش صبيان ان يفضل شايل كل دا على قلبه ,, البنت دلوقت زيها زي الود هي كمان  بتشتغل  وتشيل بيت ايه الفرق لما اشتغل علشان اساعد جوزي واني اشتغل علشان اساع والدي وايه الفرق لما ابقى متجوزه واطلع اعاره بره زي المدرسات والمدرسين عن اني اطلع برضوا اعاره وانا مش متجوزه .. الفرق مش كبير اساسا مفيش اي فرق هو المجتمع بس الي فاضي ومبيعملش حاجه غير انه يعلق على بعضه .. بس كان لازم قبل م حد يقولي سافرتي واتغربتي ليه يجبلي شغل كويس هنا اقدر منه اساعد اهلي ونفسي واخواتي وبعدين يقولي سافرتي واتغربتي ليه .


ستقف حائرا بين تعدد الاراء واختلاف وجهات النظر بين الموانع والمببرات .,, الظروف والمحظورات وسوف  تصل في النهايه الي  نفسك تخبرك  وبكل حياديه ( فأنت لا تعلم اي ظروف دفعت هولاء الفتيات للسفر للخارج وتحمل قساوه الغربه لكي تحكم عليهم او تقيم سلوكهن ,فكل واحده منهن لديها من الاسباب والمبررات الكثير الذي دفعها لذلك كل واحده منهن تمتلك وجهه نظر مختلفه تستحق الاحترام والدراسه ,,ابنتك او اختك او زوجتك يوما ما قد تكون في ظروف مشابهه تذكر دائما اخترامك للأخر وتقديرك ليه ولما يقوم به ليس له اي علاقه بكون هذا الشخص ولد او فتاه فالمواقف كثيرا م تجبرك على لعب جميع الادوار وتغير دورك الأصلي .. فلن تجد فتاه على وجه الارض مهما كانت جنسيتها تفضل الاغتراب والوحده على الانس ب أهلها والحياه معهم في مكان واحد ولن تجد احداهن تساوم على فكره ارتباطها بشخص ما وتكوين اسره تكون هي ملكتها وصاحبتها في مقابل السفر والعمل بالخارج مهما كانت الاسباب ) 

الأربعاء، 24 أبريل 2013

رساله لحد مهم اووووووووي !!

في ناس كدا في حياتك مش هتعرف تتخلص منهم!! حياتك مربوطه بيهم مهما حصل بينكم مشاكل وخلافات برضوا هتفضلوا مربوطين ببعض ,, يمكن لو حد تاني غيري هو الي في الموقف دا كان انسحب علطول وكبر دماغه عليه بأيه من التعب والعصبيه  وحرقه الدم ,,, بس يمكن الي فارق انك تبقى بتعرف قبمه الناس اوي ومن عنيهم  تقدر تحدد شكل روحهم ,, انا متعودنش اخسر الناس الي في حياتي  بحافظ عليهم لحد اخر لحظه  ’’’ حقي في الناس دي وعشره عمري معاهم وكل حاجه حلوه حصلت في حياتي بسببهم  ,, كل مره ضحكت فيها من قلبي اوي وهم معايا  كل دا يخليني اقولهم الكلمتين دول ,,,, 

مش كل مره  هتخنق عليكم الدنيا هتعرفوا تبعدوني ,, ببساطه  مش هسيبكم تبوظوا حياتكم وتشوهوا اجمل م فيها علشان في خطه باظت منكم في النص ,, الاخوات مبيختاروش بعض  .. ممكن تخسر حبيبك او حببتك !! لكن عمرك م هتعرف تخسر اختك او اخوك انتوا مربوطين ببعض  وعلشان  احنا اخوات ومربوطين ببعض مش هسيبكم تعملوا حاجه وحشه في نفسكم  ولا تعاقبوا ناس تانيه معاكم ملهاش اي ذنب  غير انها جات في طريقكم  وانتوا بتنتقموا من الدنيا  الي ع ملت حاجه تزعلكم  او بوظتلكم خططكم .. 

وبما ان ليا فيكم اكتر من80%  منكم ف مينفعش حد يقولي انا محدش يتكلم معايا ب الاسلوب دا ... انا هتكلم ب اي اسلوب انا عيزاه وانتوا هتسمعوني  وانا في حياتكم بمزاجكم او غصب عنكم 


الاثنين، 22 أبريل 2013

شخبطه ع الحيط 2

عمرك فكرت انك انت الي بتأذي نفسك لما بتتعشم في ناس ويخذلوك ..
 لما بتفتكر انك فارق مع حد وتطلع ولا حاجه عنده’’

عايز تعرف غلاوتك عن حد بجد  واذا كنت انت ب النسباله  زي مهو ب النسبالك ,, قارن  بينك وبينه في  موقف واحد ,, أسأل نفسك يا ترى لو هو الي في مكاني دلوقت  كنت هعمل معاه كدا ؟؟  كنت هتصرف معاه بنفس الطريقه !!