علشان هو حبيبها !!

محدش   بيقول لحد انا قررت اقطع علاقتي بيك .... انا خلاص هقطع علاقتي بيك

وعلشان  هي الي قالته كدا مكنمش ينفع تعمل كدا  ,, علشان هو كمان قالها كدا 

  هي كانت شايفه نفسها مسؤله  بجزء كبير من كل الي حصل  , هو بس كان بيحاول يفضل جنبها وقريب منها بنته , اخته , وحبيبته وعلشان هو كان ابوها واخوها وحبيبها حتى قبل ميعرف انها عارفه كل دا  ,,مكنش ينفع ابدا  تبعد او تقطع علاقتها بيه ,,, الحقيقه  انها مكانتش هتعرف 

علشان  الطريق كان اخره سد باين من اوله  كل الي كان ناقص ان الوقت يعدي بسرعه شويه  ويقربوا من السد دا , يوصلوا لاخر الطريق .. بس الوقت مكانش صاحبهم وبدل مكان بيمشي بسرعه  كان بيمشي  على مهله 

وعلشان  محدش بيعرف يبعد عن الي بيحبه .. حتى الخناقات الكبيره  مكانتش بتعرف تبعدهم ولا حتى الزعل عرف في يوم يفرقهم كان لازم الاول  الي مبينهم  يبقى اضعف  .. يبقى سهل تعدي عليه  وتنهيه ....

ولأنها عرفاه وحفظاه  لأنها اصلا حباه كان سهل اوي تعمل  الخطه وهو من غير ميحس  هيمشي عليها  

بره الصندوق !!

كل ما تحتاجه في هذه الفتره لتفهم الوضع القائم في مصر هو تخرج براسك  وعقلك خارج الصندوق وتتعامل  مع الاحداث من حولك على انها مشتتات انتباه لا أكثر ولا أقل عندها فقط تستطيع  ان تدرك الحقيقه المره عزيزي القارء ,, يؤسفني ان اصارحك بأنها مره من البدايه ولكن هذا افضل بكثير من ان تظل محبوسا داخل الصندوق متعمدا التجاهل لهذه الحقيقه  التي تعلم بدورك وبفطنتك انها مره والا لما تتجاهلها منذ البدايه ..

لن تكون التواريخ مهمه كثيرا في مقالي هذا ولا حتى تسلسل الاحداث فما اشبه اليوم ب البارحه ,, ربما الوضع اسؤ قليلا ولكن هناك تشابه الى حد ما ,, فأنت عزيزي القارئ لازلت تنتظر الاستقرار المزعوم  منذ 25 يناير  2011 والذي وعد به  كل من هب ودب .. واقصد  بمن هب ودب كل الحركات الثوريه والسياسيه والمرشحين المحتملين وغير المحتملين ورؤساء الاحزاب وحتى حزب الكنبه  وربما ايضا عم سيد البواب ايضا ,,
 
هذا الاستقرار الذي اصبح كلمه السر وراء كل ما نحن به الان من عدم استقرار .. الم يعد المجلس العسكري بهذا الاستقرار ومن ثم  وعد به مجلس الندامه  الذي   جلب لنا بعدها حكومه ندامه وانتخابات  رئاسيه ندم بسببها الشعب اشد الندامه فلم تأتي هذه الانتخابات بأكتر من  مجموعه من اسؤ الشخصيات المصريه على الاطلاق وافشلهم سياسيا واقتصاديا بل واجتماعيا ايضا ,, يمكنك ان ترى هذا بوضوح عزيزي القارئ فرئيس الجمهوريه  لا حول له ولا قوه .. وجبهة الانقاذ  اسؤ حالا منه فهي على مدار مايقارب العام لم تستطع ان تتخذ قرار واحدا حتى لو كان خاطئ  !!

عزيزي القارئ ....
  ماذا توقع ان يكون مصير سفينه يقودها مجموعه من محدودي التفكير ,, هذا ان كان هناك تفكير اصلا ؟؟؟  

حاافظ عليهم .. يمكن متلاقيش زيهم تاني

عمرك فكرت ان اكتر ناس انت بتأذيهم وبتجرحهم هم اكتر ناس انت بتحبهم .. عمرك فكرت ان الناس دي مستحمله منك كل الاذيه دي بس علشان بتحبك .. مش صح ابدا ان الي بيحبني هو الي يفضل مستحملني علطول ومستحمل طريقه معاملتي السخيفه ليه ... اوقات كتير بتضطر الناس انها تبعد عنك  علشان تعرف قد ايه هم كانو مستحملين منك !!

جرب مره تحط نفسك مكانهم جرب تتفرج على نفسك من بره ,, شوف هتستحمل نفسك ولا لا ؟؟ شوف قد ايه ممكن تستحملها وهتفضل مكمل معاها .. مش دايما الي  بيبعد عنك بيعد عنك علشان هو مش بيحبك او علشان هو مقدرش يستحملك وانت في اسوأ حالاتك .. يمكن  هو كمان كان محتاجك تكون جنبه وانت مخدتش بالك ولا هو  قالك انه محتاجك علشان شايفك في اسوأ حالاتك ,, متحكمش على حد من موقف عمله معاك ,, علاقتك ب الناس مش موقف واحد علاقتك بيهم مجموعه مواقف ,, جرب تبص للموقف من كل جهاته يمكن المره دي تطلع غلطان ويطلع الذنب ذنبك

متطلبش من الناس تحافظ عليك وانت مش عارف تحافظ عليهم .. مهما كان الشخص التاني دا بيحبك وانت مهم ب النسبه ليه هو اكيد ليه  قدره على الاحتمال اوعى تضطره انه يوصل لاخر نقطه فيها بسببك ,,,,  

                                           اتعلم تحافظ على الناس الي بتحبك علشانك مش علشان حاجه تانيه .. اتعلم لما يكون في حياتك ناس جميله متضيعهمش وتقول اكيد هلاقي ناس اجمل ,, علشان الاجمل مش جميل لوحده ,, الاجمل بيبان في علاقتك بيه ,, انت وهو علاقتكم جميله علشان انتوا الاتنين مع بعض !!!!